الحاج عبد الله نجم رجل مصرى اصيل. اتغرب 30 سنه لكن لم ينسى وطنه.. ولما الرئيس السيسى دعى ولاد مصر انه يستثمروا ويشتغلوا ببلدهم ..الحاج عبد الله جاب تحويشة العمر وقال اشتغل فى اللى اعرفه فقرر يعمل شركة نقل جماعى لنقل المواطنين سماها (شركة نجم للنقل الجماعى) وعلى الرغم انه من قرية زاوية بمم بتلا منوفيه .. الا انه قرر ان الشركه تكون بمحافظة الغربيه وبدا فى اجراءات الموافقه وحصل عليها من جهاز تنظيم النقل الداخلى
والدولى بوزارة النقل. وبدأ المسكين عبدالله نجم يشترى اتوبيسات شيفروليه زيرو وكمان اشترى 3 قيراط عملها جراج واجر مكتب للشركه وعين سواقين ومحصلين ومحاسبين وخفراء وكله بيقبض من لحم الحى .. وفلوسه خلصت فبدا يلجأ للبنوك ويقترض .. كل ده ويروح لادارة مرور الغربيه باوراقه علشان يرخص الاتوبيسات يطلعوله العراقيل .. والرجل بيسال .. هى العراقيل دى مظهرتش ليه مع الشركه الانجليزيه وشركة حورس اللى اوراقهم خلصت زى الحلاوه وشغالين زى الطلقه بمدن محافظة الغربيه… والحاج عبدالله نجم والعاملين معه بيناشدوا الرئيس عبد الفتاح السيسى واللواء محمود توفيق وزير الداخليه .. للتدخل وانهاء تعنت ادارة مرور الغربيه مع تراخيص شركة نجم للنقل الجماعى بالغربيه… والفيديو يوضح المأساه بس نسمعه كله