الشاعر وحيد غنيم بيقولكم(تيجوا نغنى)

شاكر عماره 

يواصل شاعرنا الرقيق وحيد غنيم إطلالته الشعريه المعبره واليكم الجديد::

تيجوا..نغنى؟

.. .. .. .. ..

أنا قلبى عيل صغير

مش باقدر عليه!!!

كتير ساعات يعيط

ويفرك عنيييييييه

أما بيجري ، منى

ب ادوّر عليه ..

فى العيون الحلوه جدا..

هناك بالاقيه..

بصوت الهمس،أيوَه

بانده عليه..

يجيني وبحر دمعه ..

مغرّق عنيه!!!

أحُطّ برقه يعنى

إيديه ف إديه..

آخده واحده واحده

واطبطب عليه..

حبيبى: ارجع يا صاحبى

العيون دى..ماجتش لينا..

أمّا تشوفها.. عنينا 

يبقى أقصى مُنا نا

تشوفها مَره تانيه..

أما الحظ يجينا..

حبيبتى يا عنينا..

والله ما بإدينا..

زى ما للدنيا جينا. 

نرضى باللى لينا..

أو بسرعه نلحق ..

نغمّى عنينا..

وندارى ما بقلوبنا..

 اللى منها واللى فينا..

واللى خلّانا بقينا..

احنا يا أهل المحبه..

ياعينى علينا..يا عينى علينا

ونقول يا عيون ،كفايه

إحنا كَدا استوينا..

الله يا ست..ورده

 نغمها صوت الجنينه

وسط ورووودهاالحزينه.. 

إستوينا إستوينا إستوييييييناااا.