رحاب الخضرى::دقه قديمه

رحاب الخضرى::دقه قديمه

موده شاكر عماره

💦بيقولوا علينا دقة قديمة
ايوه احنا دقة قديمة
كلمتنا ..واحدة
طلتنا …هيبة
تربية البيت الكبير
نبوس ايد جدى
وكمان …..ستى
كلمة امى ..على الرقبة .. سيف
اخاف ….من بصة ابويا
لو حتى طيف
أجرى فى اوضتى
لو جالنا ضيف
وصوتنا واطى
متفرقش الضحكة ..عن سكاتى
القعدة راسيه
الحركة قليلة
الكلام موزون حكيم
ما يطلعش.. منو عيبه
وممنوع يا بنتى اللبانة
والفتنة والخيانة
اما…… الامانة
عهد غالى
نصون السر
منين ماكنا
ولو ….. هنا
مانعتبش
إلى باع ما يستهلش
_______
ايوة ..احنا الدقة القديمة
الجد
الصدق … الضمير
الى راح من ناس كتير.
لِسَّه بنقول الحقيقة
مش بلون كل متعدى دقيقة
اصلنا……. سلسال أصول
محفور………. بعرق طيب
سيرة…….. مربوطة بزمان
ان عدى حتى ولا خان
ميهمناش المكان
ذى النخل …شديد و غالى
وجعو… ضحكة ….وصوتها عالى
رحاب الخضرى💞💞

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

الاخبار العاجلة