موده شاكر عماره
الى متابعى موقع مصر الوطن الالكتروني احدث قصائد الشاعره الرقيقه رحاب الخضري
💔قصيدتى
يعدى الليل
على جفن السهر
يسال على ضى القمر
ليه حزين
مش ملالى ..فوق جبين السهرانين.
والقعدة قعدة حيرة
مرسومة على وش الجدع
بتغنى غنوة وجع
على راح والى باقى
الشوق الي بينادى
القلب الى مليان بالحنين
لحبايب كانوا طيبين
وذكريات الفرحة فيها
تصحى عمر.. مش سنين
وجروح تدوس
ومية سؤال
مالهوش اجابة
دنيا دى ولا غابة
الناس وحوش
ولاديابة لابسة وشوش
بنحن ليه لناس بياعيين؟
اصل دا ..ولا خيبة
ولا البعد اصلوا هيبة
ولا زمان مقلوب ميزانه
الغالب فيه.. الى خانوا
رحاب الخضرى ❤